სალიქსი

სალიქსი არის ტირიფის გამხმარი ქერქის ფრაგმენტების (Salix spp. cortex) 6%-იანი ექსტრაქტი. პრეპარატული ფორმით წარმოადგენს კონცენტრირებულ ხსნარს, რომელიც გამოიყენება გაზავების შემდეგ, ფოთლოვანი დამუშავებისთვის.

დანიშნულება და მოქმედების მექანიზმი

სალიქსის მოქმედების მექანიზმი სისტემური და არაპირდაპირია. პრეპარატი რამდენიმე ძირითად მიმართულებას მოიცავს, რომლებიც მცენარის ზრდას, განვითარებას და სტრესისადმი ტოლერანტობის გაძლიერებას უწყობენ ხელს:

• ფიზიოლოგიური პროცესების სტიმულირება: მასში შემავალი სალიცილის მჟავა ხელს უწყობს მცენარეში მიმდინარე ბიოქიმიურ პროცესებს, ზრდა-განვითარებასა და ფოტოსინთეზურ აქტივობას.
• მექანიკური ბარიერის შექმნა: ამცირებს ფოთლის ზედაპირზე ტენიანობას და ხელს უწყობს უჯრედის კედლის სისქის და სიმტკიცის მატებას (პოლიფენოლების სინთეზი / ლიგნიფიკაცია). შედეგად, პათოგენებისთვის რთულდება უჯრედში შეღწევა და გავრცელება.
• ჭრაქის (Plasmopara viticola) პათოგენური აქტივობის დათრგუნვა: სალიქსი ბლოკავს პათოგენის სასიცოცხლო ციკლს და აფერხებს მის სპორულაციას:
  • სპორების გამრავლების შეჩერება: მცენარე გამოიმუშავებს სპეციფიკურ ფიტოალექსინებსა და ცილებს, რაც მკვეთრად ამცირებს სოკოს უნარს, წარმოქმნას ახალი სპორები.
  • ზოოსპორების ბლოკირება: ფოთოლზე ქმნის ბუნებრივ აპკს, რაც ფიზიკურად და ქიმიურად უშლის ხელს ზოოსპორების გადაადგილებას ბაგეებისკენ.
  • ბიოტროფული ბარიერი: უჯრედის კედლების გასქელების გამო, ჭრაქის სოკო ვეღარ ახერხებს საცეცებით (Haustoria) შეღწევას, ვეღარ იღებს საკვებს ცოცხალი უჯრედიდან და კვდება.

შემადგენლობა 

გამოყენების რეგლამენტი

გამოყენების წესი და რეკომენდაციები

• სამუშაო ნაზავის მომზადება: შესაწამლი აპარატის ავზის 3/4 წყლით შეავსეთ და დაუმატეთ საჭირო რაოდენობის სალიქსი®. გაავსეთ ავზი ბოლომდე და პარალელურად მოურიეთ ნაზავს. გააზავეთ მხოლოდ გამოსაყენებლად საჭირო რაოდენობა. არ შეინახოთ გაზავებული პრეპარატი. პრეპარატის გაზავების შემდეგ მყისიერად დაიწყეთ შესხურება.
• სტრატეგია: სალიქსი უნდა ჩართოთ თქვენს წამლობის სქემაში, როგორც პრევენციული დანიშნულების პრეპარატი. დაიწყეთ წამლობა მცენარის განვითარების საწყის ფაზაში. რეკომენდებულია მინიმუმ 3 წამლობის ჩატარება, რათა სალიცილის მჟავა ეფექტურად აკუმულირდეს მცენარეში.
• თავსებადობა: თავსებადია უმეტეს მცენარეთა დაცვისა და გამოკვების საშუალებებთან, მათ შორის, გოგირდისა და სპილენძის შემცველ პროდუქტებთან.

ძირითადი სარგებელი

• მყისიერი მოსავალი: ლოდინის პერიოდი შეადგენს 0 დღეს.
• ეფექტურობა: პათოგენები სალიქსის მიმართ არ ავლენენ რეზისტენტობას (გამძლეობას).
• იმუნიტეტი და კვება: აძლიერებს მცენარის იმუნიტეტს, აუმჯობესებს ნიადაგიდან საკვები ნივთიერებების ათვისებას და ცილის მეტაბოლიზმს.
• სტრესგამძლეობა: ასტიმულირებს მცენარის ზრდას და აბიოტური სტრესის მიმართ თავდაცვის მექანიზმს.
• ეკოლოგია: პროდუქტი არის უსაფრთხო, დაბალტოქსიკური და დაშვებულია ყველა სასოფლო-სამეურნეო კულტურაში, მათ შორის ორგანულ მეურნეობებში.